КОЈ ЌЕ ГО ЧУВА ВО СРБИЈА: Обрач од руски „духови“ - утре од агентите на Путин може да купите и овошје а да не сте свесни

Добивај вести на Viber

Претседателот на Руската Федерација Владимир Путин ќе престојува утре во официјална посета на Србија, а со него во соседната земја доаѓаат и луѓе кои се грижат за безбедноста на рускиот претседател, 30 најблиски обезбедувачи од Федералната служба за обезбедување. Путин ќе го чуваат и повеќе од 5 000 српски полицајци.

Инаку, специјалците на ФСО делуваат во најстрога тајност, а таа агенција е позатворена дури и од ФСБ која ја наследи познатата КГБ. Припадниците на ФСО често ги нарекуваат духови а медиумите изнесоа разни нагодувања за нив, вклучувајќи го и тоа дека во своите редови имаат двајца двојници на Путин.

Интересно е тоа дека за тие луѓе никогаш не би претпоставиле со што се занимаваат, а би можеле да бидат и трговци, продавачи на овошје.

Меѓу оние кои се грижат за Путин се високоистренирани командоси, за кои ниту нивните семејства не знаат со што се занимаваат, стотина агенти, лично обезбедување , персонал и личности со специјални задачи, како готвачи и дегустатори на храна.

Повеќето од тие луѓе се целосно невидливи дури и кога Путин оди во официјална посета на некоја земја, бидејќи многумина од нив заминуваат таму и по неколку месеци претходно го испитуваат теренот.

Долж патеката по која ќе помине Путин, освен униформирани полицајци, ќе бидат распоредени и 500 припадници на српското МВР во цивилка, како и 250 агенти на БИА. Целата патека по пат ќе ја обезбедуваат снајперисти кои ќе следат можни опасности по рускиот државник.

Интересно е дека изгледот на обезбедувањето на Путин е строго пропишан и тие мора да бидат барем 20 цм повисоки од него, но истовремено да не бидат упадливи.