Кој ли ќе го сопре сега Сорос во Македонија?
Објавено во: Македонија 23 Јуни, 2017
Кој ли ќе го сопре сега Сорос во Македонија, неформалната организација Стоп операција Сорос подолго време не е активна, а сега и новата влада донесе одлука за стопирање на исплатата на 850.000 евра наменети за невладини и граѓански организации кои требаше да извршат „десороизација“ на НВО секторот.
СОС беше неформално граѓанско здружение предводено од Цветин Чилиманов, Никола Србов и Ненад Мирчевски со повеќе јавни настапи на кое се говореше против донаторот Џорџ Сорос како и тоа колкаво влијание имал тој во македонската политика. Тие ветија дека ќе покажеле како навистина треба да функционира граѓанскиот сектор, но во нивните говори имаше само политика и обвинувања кон повеќе невладини организации кои добиле грант средства или финансии од УСАИД, ЕУ и Фондацијата Отворено општество.
Потоа следеше и издвојување на дваесетина организации кои беа под истрага дека наводно ги злоупотребувале парите и ги пренасочувале кон СДСМ за финансирање на кампањата на опозицијата и нејзините активности, но ваквите тврдења никогаш не беа докажани.
СОС побара и САД да поведе целосна истрага за тоа на кој начин се трошеле парите на Американската амбасада и УСАИД во Македонија, но новата администрација на Трамп никогаш не речи посериозно да се занимава со нашата земја.
Процесот на десоросоизација започна со повик на Никола Груевски, а и формално беше поддржан од неговата партија ВМРО-ДПМНЕ.
„СДСМ и Сорос се посветени на мисијата за уништување на демократијата преку директен и брутален напад на секоја мисла поинаква од нивната матрица, од диктатите на Бихаќка и од идеите на Џорџ Сорос во изминативе 25 години. СДСМ и Сорос системски ги корумпираат новинарите и медиумите, создавајќи од нив роботизирани послушници кои се хранети со грантови за без приговори да ги извршуваат задачите што ќе им бидат дадени. Само во последниот период, во Македонија, СДСМ и Сорос преку деструктивната платеничка револуција направија штета од стотици илјади евра, повредија повеќе од 50 полицајци, демолираа државни институции и уништија споменици на културата и на македонскиот народ. СДСМ и Сорос се срам и елементарна непогода за Република Македонија. На 11 декември народот јасно, одважно и прецизно ѝ кажа „не“ на целата деструкција во режија на аболираниот криминалец Зоран Заев и на Соросовите инсталации во Македонија. Народот одлучи: процесот на десоросоизација почнува“, соопшти ВМРО-ДПМНЕ кон средината на јануари годинава .
Останатите здруженија се регистрирани и дел од нив добија средства за своите активности, но сега ќе се изврши ревизија, а стопирана е и преостанатата исплата.Можеби ќе ве интересира
ГРУЕСКИ ЗА КОВАЧЕВСКИ: „Човекот како тотално да се одлепил од реалноста“
КУЌИТЕ НА ИСЕЛЕНИЦИТЕ СЕ ПРАЗНИ: Соседите и роднините ги одржуваат за надомест или бесплатно
„ОД АВИОН СЕ ГЛЕДА ЗАГАДУВАЊЕТО НА ОХРИДСКОТО ЕЗЕРО“: „Охрид СОС“ со катастрофална фотографија на загадувањето се обидува да го привлече вниманието на надлежните
ВАКВО НЕШТО РЕТКО СЕ ГЛЕДА: Еве како беше пуштено осветлувањето на 63 метарскиот крст во Драчево
ДАЛИ ЗАЕВ ОД ДАЛЕЧИНА САКА ДА МУ ПРЕНЕСЕ НЕКАКВА ПОРАКА НА КОВАЧЕВСКИ - еве што кажа во Америка
МАКСИМ ДИМИТРИЕВСКИ: Засега нема договор за поддршка на некој од претседателските кандидати, за тоа ќе одлучува партиското раководство
Пендаровски: Нашата понуда е единствена која гарантира дека Македонија ќе оди напред
„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
ВИСОК Е 63 И ПОЛ МЕТРИ И Е ВТОР ПО ГОЛЕМИНА КРСТ ВО ДРЖАВАТА - в очи на Велигден осветен крстот во Драчево
