Кој плати повеќе од 100.000 евра за акции во „Макпетрол“?

Добивај вести на Viber

Клучниот менаџер на „Макпетрол“, кој 25 години управува со една од најголемите и успешни домашни компании, уште еднаш прати значајна порака до инвеститорите и учесниците на нашиот пазар за хартии од вредност. Андреја Јосифовски вложи повеќе од 100.000 евра во акции на компанијата со која раководи

Одлични вести за сите инвеститори на берзата кои ја следат акцијата на „Макпетрол“. Андреја Јосифовски, човекот што 25 години е на челната позиција во најголемата домашна компанија за малопродажба на нафтени деривати, вложил повеќе од 100.000 евра за да докупи 90 акции во компанијата со која управува.

Информацијата е објавена на берзанскиот сервис за ценовно-чувствителни информации СЕИ – НЕТ https://www.seinet.com.mk/Default.aspx?lang=MK&docID=53216

Оваа вест, во комбинација со потврдата за носење на закон со кој после 25 години ќе се регулира сопственоста во преносниот гасоводен систем во земјава при што Владата на „Макпетрол“ ќе му исплати повеќе од 30 милиони евра за нивните акции во „ГА МА“, многу веројатно дека позитивно ќе влијае врз пазарната цена на акцијата на „Макпетрол“. Оваа вест создава предуслови и институционални инвеститори да почнат да вложуваат позначајни средства во акцијата на „Макпетрол“ затоа што компанија го реши најважниот и најделикатниот судски спор во Владата како извршен орган на државата. Тоа значи дека ќе нема стратешка неизвесност за судски спор кој и досега траеше многу години и немаше изглед да заврши во предвидливо време. Дополнително позитивно на одлуката на инвеститорите и портфолио менаџерите на фондовите ќе влијае тоа што во „Макпетрол“ наскоро по одобрување на Владата ќе влезат кеш над 30 милиони евра кои можат да се искористат за различни намени. Меѓу другото можна е поделба на дел од тие средства и во форма на дивиденда. А тоа на краток рок дополнително ќе ја зголеми или ќе ја одржи на овие ценовни нивоа пазарната цена на акцијата на „Макпетрол“.

Со сите горенаведени аргументи, вклучувајќи ја и релативно уситнетата акционерска структура на компанијата која значи потенцијал за капитални добивки од раст на пазарна цена при процес на консолидација на сопственоста може да се заклучи дека акцијата на „Макпетрол“ на среден рок ќе биде посакувана хартија од вредност на нашиот пазар на капитал.