16 Декември, 2018
0.4132
    ALK 8197.71    -1.16%     FERS 67900    0%     GRNT 800.16    -2.3%     KMB 5024.07    -0.79%     MPT 46679.54    -1.73%     MTUR 4900    0%     OHB 6517    -0.43%     OILK 6000    0%     OKTA 4350    0%     RMDEN12 97.3    0.31%     RMDEN15 96.8    -0.41%     RMDEN16 97    0%     SBT 1950    8.22%     SOLN 170    0%     STB 1281.65    -0.63%     TEL 299.58    -0.14%     TNB 14180    -0.14%     TTK 1270    -0.78%     ZLRB 6170    311.33%

Кој се „поднови“ со акции во „Макпетрол“ за 2,3 милиони евра?

Објавено во: Економија 18 Јули, 2018

Силен интерес за акцијата на „Макпетрол“ ! Во блок трансакција инвеститор вложи 2,26 милиони евра во 2,9 отсто од акциите на најголемата македонска мрежа за малопродажба на нафтени деривати и една од компаниите со најголеми годишни приходи во земјава. Ако е купувач еден инвеститор кој веќе е акционер во „Макпетрол“ и поседува барем 2,1 отсто, неговото име ќе го дознаеме во понеделник со новата состојба што ќе ја објави Централниот депозитар за хартии од вредност

Не стивнува интересот за акции на „Макпетрол“! На сајтот на Македонската берза за хартии од вредност излезе информација дека во блок трансакција на 13 јули (петок) беа истргувани 2,9 отсто од акциите со право на глас во „Макпетрол“ за сума од 2,26 милиони евра. Во оваа блок трансакција беа истргувани 3.251 акција на „Макпетрол“. Единечната цена по акција изнесува 43.000 денари и тоа веројатно ќе биде стимул за инвеститорите да ја одржуваат пазарната цена на таа акција на вакво ценовно ниво.

Ова беше најголема трансакција со акцијата на „Макпетрол“ од почетокот на годинава досега. Оваа трансакција покажува дека има инвеститор што е спремен да плати над 40.000 денари за таа акција, но и дека е спремен да вложи над 2 милиони евра во акции на таа компанија која има најголема мрежа за малопродажба на нафтени деривати во земјава, а паралелно со тоа е сопствевник на 50 отсто од акциите на ГА-МА компанијата што го поседува преносниот гасоводен систем и која лани оствари профит од 2,27 милиони евра.

Паралелно со оваа трансакција во ист време, но во многу помали количества, акции купува и „Макпетрол“ во сопствен откуп. Согласно со нивната одлука компанијата резервира и полека троши 2,76 милиони евра за акции во сопствен откуп. Последната трансакција е направена во јули и е објавена денеска (вторник 17 јули) и во неа „Макпетрол“ купи 228 акции со право на глас. Досега „Макпетрол“ во сопствен откуп чува 4,1 отсто од сите акции и согласно со законската регулатива може да купува до 10 отсто од сите акции.

Р. Ф.

Можеби ќе ве интересира

Неби Хоџа се сомнева во корупција кај македонската страна од Блаце

Неби Хоџа се сомнева во корупција кај македонската страна од Блаце

Македонија ќе го контролира прометот со дијаманти

Македонија ќе го контролира прометот со дијаманти

Во кои градови губите најмногу време во сообраќајниот метеж

Во кои градови губите најмногу време во сообраќајниот метеж

Сугарески: Пругата е готова, македонската и грчката железница нека утврдат нова линија

Сугарески: Пругата е готова, македонската и грчката железница нека утврдат нова линија

Колку пари вртат адвокатите кои бранат обвинети од СЈО?

Колку пари вртат адвокатите кои бранат обвинети од СЈО?

Во иднина ќе нема кој да им намести плочки, цевки и плакари на Македонците

Во иднина ќе нема кој да им намести плочки, цевки и плакари на Македонците

Самсоненко ќе финансира и понатаму, барем засега

Самсоненко ќе финансира и понатаму, барем засега

Само мал дел македонски трговски марки ќе бидат опфатени од Преспанскиот договор

Само мал дел македонски трговски марки ќе бидат опфатени од Преспанскиот договор

Цената на нафтата ги изненади сите

Цената на нафтата ги изненади сите