Која земја ќе враќа пластичен отпад во државите од каде потекнува

Добивај вести на Viber

Малезиското Министерство за животна средина вети дека ќе врати 450 тони контаминиран пластичен отпад од земјата, стравувавајќи дека илегалниот увоз ја претвора земјата во „депонија“,објавија медиумите од  регионот.

„Овие контејнери беа нелегално внесени во земјата со лажно објаснување ... што јасно го нарушува нашето законодавство за животна средина. Ние ќе одговориме и ќе ги испратиме назад “, рече Јо Бин Јен, министер за животна средина, наука, технологија и климатски промени.

Инспекција на контејнери во пристаништето Клинг, каде контејнерите се транспортираат главно, утврдила дека тоа место е една од главните влезни точки за нелегален отпад во земјата.

Уште 2 400 метрички тони на уште 50 контејнери ќе бидат вратени по завршувањето на проверките на другите товари.

Трошоците за транспорт на контејнерите кои потекнуваат од Австралија, САД, Канада, Саудиска Арабија, Јапонија, Кина, Бангладеш и Шпанија, ќе бидат преземени од земјите на потекло, истакнуваат малезиските власти.

Информации за пластичен отпад, увезени нелегално во Малезија, почнаа да се појавуваат во 2018 година, откако Кина една од најголемите земји, кои се занимава со преработка на пластика стави забрана за увоз на странски пластичен отпад, поради зголемените стравувања дека ѓубрето има влијание врз животната средина и здравјето на луѓето.

А кој се грижи во Македонија колку и каде се фрла домашниот медицински отпад и дали се складира на посебно место пишуваше Фактор. Целата тема прочитајте ја тука. 

Фото Ројтерс