07 Декември, 2019
0.0193

Колапс на системот на Комерцијална банка, најмногу поплаки за немањето увид во сметката

Објавено во: Финансии 26 Јули, 2019


Комерцијална Банка вече втор ден ги надминува проблемите со колапсот на системот со платежните картички и терминалите, по што загрижените граѓани и натаму реагираат дека не можат да си ги извршат секојдневните обврски, односно да подигнат плата или да платат сметка. Клиентите најмногу реагираат на нефункционирањето на електронското банкарство и увидот на сметките, штедни влогови или картичките преку мобилната апликација. Има и реакции на загрижени граѓани за безбедноста на сметките, но од страна на банката смируваат дека сметките се целосно безбедни.

Последното соопштение од оваа банка е клиентите да не потпаѓаат под влијание, како што велат од таму, на лажните вести кои се шират на социјалните мрежи и дека пари стигнуваат на денарските готовински сметки за физички и правни лица.

„Ве известуваме дека преку мрежата на филијали и експозитури на Комерцијална банка АД Скопје може да се вршат готовински трансакции за правни и физички лица. Исто така, потсетуваме дека сите банкомати на Банката се во функција, а со картичките на Банката може да се вршат и трансакции во трговија во земјата и во странство.
Со почит, Комерцијална банка“, соопштуваат од таму.

Поради технички проблем не беа достапни сервисите така што со картичките издадени од Банката не можеше да се вршат трансакции на сите банкомати на банката и во трговија во земјата и во странство. 

Од Народна банка, која го контролира работењето на приватните кредитори, до објавата на оваа вест не одговорија на нашите прашања како може ова да се случи, зошто банката нема заштита и кои се ризиците. 

Можеби ќе ве интересира

Аргир: Наградата за најдобра банка ја посветувам на Љубе Раевски

Аргир: Наградата за најдобра банка ја посветувам на Љубе Раевски

Ќе се намалат 12 од 30 царински стапки што ги бараа странските инвеститори

Ќе се намалат 12 од 30 царински стапки што ги бараа странските инвеститори

Плата од 500 евра газдата го чини 750 - давачките превисоки за малите фирми

Плата од 500 евра газдата го чини 750 - давачките превисоки за малите фирми

50.000 ЕВРА - толку ќе тежат двете главни премии од МојДДВ #МојаНаграда

50.000 ЕВРА - толку ќе тежат двете главни премии од МојДДВ #МојаНаграда

Анти-коцкање со отворено писмо до Заев: Рековте дека нема повеќе да издавате лиценци

Анти-коцкање со отворено писмо до Заев: Рековте дека нема повеќе да издавате лиценци

Германските компании уште бараат од Владата пониски царини за репроматеријалите

Германските компании уште бараат од Владата пониски царини за репроматеријалите