Колку пари од своите платежни картички повлекле Македонците во странство?
Објавено во: Економија 25 Октомври, 2017
Македонски државјани во странство потрошиле 103,9 милиони евра со своите платежни картички, покажува статистиката на Народната банка на Република Македонија .
Оваа сума се однесува за периодот од јануари до јуни и во неа влегуваат сите транскации со наши картички надвор, без оглед дали се повлечени на банкомат, или со нив имателите пазареле во маркети и продавници. Во истиот период, во Македонија со странски картички реализирани се трансакции вредни 124,3 милиони евра.
Со наши картички граѓаните надвор најмногу пазареле во маркети, бутици, продавници. На пос терминали во странство, во првите шест месеци се потрошени 57,2 милиони евра. Во истиот период како готовина на тамошни банкомати се извадени вкупно 11,9 милиони евра. Преку интернет пак, во странски продавници за шест месеци годинава се потрошени скоро 40 милиони евра.