Колку работни места ќе отворат германските фирми догодина?
Објавено во: Економија, Свет 28 Ноември, 2016
Германските компании сакаат да отворат нови 450 000 работни места во 2017 година.
Во моментов во земјата се води вистинска војна за квалификуван персонал.
Во Германија особено голема е побарувачката на кадри во областа на здравството, а исто така и во областа на образованието, покажува истражувањето на Федералната асоцијација на трговските комори во Германија (Deutscher Industrie- und Handelskammertag - DIHK).
Во овие области компаниите имаат намера да создадат над 150 000 работни места во текот на следната година. Во областа на трговијата и на гастрономијата можат да се отворат 100 000 места, а во индустријата - 30 000 работни места.
Поради високата побарувачка на персонал индустриските и трговските комори во Германија ќе ја подобрат својата обврска кон интегрирање на бегалците преку едукација и курсеви за занаети.