Колку сиромашни граѓани има во Македонија?
Објавено во: Економија 17 Октомври, 2016
Во земјава има повеќе од 100.000 граѓани кои живеат во апсолутна сиромаштија, а повеќе од 1.200.000 граѓани не можат да си ги задоволат основните потреби.
Овие податоци денеска беа соопштени на конференцијата на тема Инклузија „И јас сакам да имам живот како другите!“ во организација на Македонската платформа против сиромаштија, Фондацијата Фридрих Еберт - канцеларија Скопје и Европската платформа против сиромаштија по повод Меѓународниот ден за борба против сиромаштијата 17 октомври.
Лидерот на СДСМ, Зоран Заев вели дека е крајно време државата да се откаже од сите материјални аспекти коишто се преокупација на сите гласачи, а со тоа и на политичарите.
„Луѓето бараат храна, значи постои глад во Македонија и тоа е поразително за сите нас. Мораме да се посветиме на граѓанинот и поединецот со конкретни и прагматични чекори“ - рече Заев.
Смета дека мора да се создаде праведно оданочувње. Тој вели дека не можат сите исто да плаќаат данок.
Македонија на европско ниво е една од најсиромашните земји, а има и највисока стапка на младинска невработеност, потврди министерката за труд и социјална политика Фросина Ременски-Ташевска.
Порача дека една од нивните заложбите е да се намали стапката на сиромаштијата до 2020 година под 18%.