Комерцијална банка има фантастичен квартал! Добивката зголемена за 45 отсто

Нето приходите од камати на најголемата банка (според актива) достигнаа 10,5 милиони евра и тоа е за 10 отсто повеќе од првиот квартал во2021 година. Истовремено со ова зголемени се и нето приходите од камати и тие достигнаа 4,1 милиони евра. Останатите приходи од дејноста се на ниво како и претходната година и изнесуваат нешто над 3 милиони евра за 90 дена. Значајни за истакнување иако се мала ставка се нето приходите од курсни разлики. Тие за првите три месеци достигнаа безмалку еден милион евра, а истиот период лани беа помалку од 700.000 евра.

Заедно со растечките нето приходи од камати клучен генератор на раст на добивката се резервациите за ризични пласмани. Имено годинава тие се повеќе од преполовени во споредба со истиот период лани. Изнесуваат 2,1 милиони евра,а истиот период лани беа повеќе од 4,6 милиони евра.

За истакнување е фактот што Комерцијална банка посветува внимание за своите вработени изразено преку растот на трошоците за нив. Оваа ставка е зголемена за 5 отсто односно за околу 163.000 евра и сега изнесува 3,3 милиони евра што значи дека банката на месечно ниво одвојува 1,1 милиони евра за своите вработени.

Најголем раст на трошоците има кај збирната ставка останати расходи од дејноста и тие изнесуваат 3,5 милиони евра или 850.000 евра повеќе од претходната година.

 Од билансот на состојба издвојуваме: кредитирањето пораснало за 50 милиони евра во споредба со крајот на 2021 година и вкупното кредитно портфолио (со исклучок на земи кон банки) изнесува 917,7 милиони евра.

Минимално е зголемено вложувањето во државни хартии од вредност и тоа и понатаму е помало од половина милијарди евра.

Депозитната база е минимално намалена во споредба со крај на декември 2021 година и изнесува 2,1 милијарди евра.