Корона вирусот и се заканува на цела планета, висока опасност од зараза на глобално ниво

Добивај вести на Viber

СЗО ја зголеми проценката за ризикот од корона вирусoт на меѓународно ниво од умерен до висок. Од таа здравствена организација досега тврдеа дека ризикот од вирус е „многу висок во Кина и регионално, но умерен на меѓународно ниво“. Сепак, ризикот од инфекција од вторник е на глобално ниво. Вкупно 106 лица починале од вирусот, а околу 4500 луѓе се заразени, претежно во Азија. Постојат заразени лица во Франција и Германија, а епидемијата се шири во САД, Канада и Австралија.

Генералниот директор на СЗО, Тедрос Абхан Гебрејес, рече дека е убеден во можноста на Кина да го спречи ширењето на вирусот корона и рече дека не смета оти е потребно да се евакуираат странци од земјата. Кинескиот претседател Си Џинпинг се обидува да ја зајакне довербата, да останат сите обединет и да се донесат научни и точни пресуди за епидемиолошката состојба.

Германскиот снабдувач на делови за автомобили Вебасто за тоа време објави дека нивниот работник бил заразен со вирусот корона, бидејќи еден работник од Кина го посетил седиштето на компанијата во Стокдорф, Баварија. Компанијата, која има 11 претставништва во Кина, вклучувајќи го Вухан, го забрани патувањето во земјата. Исто така е наведено дека заразениот засега е во добра состојба и е под медицински надзор.

Едно лице во Јапонија (60) било заразено со вирус, иако не престојувал во Вухан. Тоа е возач на автобус кој превезува кинески туристи од овој град.

Во Јужна Кореја се потврдени четири случаи, од кои едниот е кинески државјанин, а останатите се државјани на Јужна Кореја, кои престојувале во Вухан. Во Јужна Кореја повеќе од половина милион граѓани потпишаа петиција во која се забранува кинескиот народ да влегува во земјата. Јужна Кореја објави дека ќе ги евакуира своите граѓани од епицентарот на новиот вирус корона, додека Северна Кореја воведува едномесечен карантин за сите странци кои доаѓаат од Кина.

Руските региони кои граничат со Кина воведуваат дополнителни безбедносни мерки. Повеќето гранични премини на Далечниот исток на Русија се запрени до 1 февруари, во консултација со кинеската влада. Во исто време, хотелите и туристичките места во Москва се ставени под посебен надзор заради епидемијата.

Во меѓувреме, дојде уште еден вид напнатост. Всушност, Кина исто така побара извинување од данскиот весник „Jilands posten“ за објавената карикатура на вирусот корона, велејќи дека е навредлива. Карикатурата има кинеско знаме и симболите наместо sвездите се нацртани во форма на вирус корона. Главниот уредник , Јакоб Нибро, рече дека намерата не е да ја исмеваат Кина, туку да се справат со културните разлики.