КОРОНАТА КОНЕЧНО НЕ ПУШТИ МАЛКУ „ДА ЗДИВНЕМЕ“ - минатата недела смртните случаи и новозаболените се намалиле за 37 отсто
Објавено во: Македонија 11 Мај, 2021
Се смирува конечно состојбата со коронавирусот во земјава, а тоа го потврдува и извештајот на Институтот за јавно здравје, за изминатата една недела. Додека, пак, се зголемил бројот на направените тестови.
Според неделниот извештај на Институтот, во периодот од 03 до 09 мај 2021, тестирани се вкупно 15.781 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 5,4 отсто во однос на минатата недела. Регистрирани сe 1.304 нови позитивни случаи од 33 градови во државата, со намалување од 37,2 отсто во однос на минатата недела.
Најголем дел од регистрираните случаи се од Скопје (n=482; 37,0 отсто), со неделна инциденца – 78,0/100.000. Највисока неделна инциденца од 169,9/100.000 е регистрирана во Виница.
Процентот на позитивност се движи од 2,5 до 12,2 отсто, просечно 7,5 проценти.
Регистрирани се заболени лица во сите возрасни групи. Најзастапена е возрасната група на лица на возраст над 60 (n=508, 39,0%). Голем број на заболени се регистрира и кај лицата во возрасните групи од 40-49 (n=227; 17,4%), 50-59 (n=208; 16,0%), 30-39 (n=176; 13,5%) и 20-29 (n=106; 8,1%). Најмал број е регистриран кај децата од 0-9 (n=26; 2,0%) и 10-19 години (n=53; 4,1%). Се забележува намалување на бројот на заболени кај сите возрасни групи, со најголемо процентуално намалување кај лицата до 39 години (41,1%).
По добиени два негативни теста за присуство на SARS-CoV-2, или со употреба на новиот алгоритам, со статус „оздравени“ се стекнале 4.502 лица кои биле хоспитализирани или на домашно лекување, со зголемување од 12,2 отсто во споредба со минатата недела.
Пријавени се 105 смртни случаи од 21 град, или 37,1 отсто помалку во однос на минатата недела. Во однос на возраста, 91 лице биле над 60 години, 6 лица на возраст од 50-59 години, 5 лица на возраст од 40-49 години, 2 лица на возраст од 30-39 години и едно лице на возраст од 20-29 години.
Деталниот извештај на Институтот за јавно здравје за состојбата со Ковид-19 за периодот од 03 до 09 мај 2021 година, како и кумулативната состојба со Ковид-19 во Република Северна Македонија се објавува на веб страницата на Институтот за јавно здравје: http://iph.mk/.