Косоварите протестираат за патарина во Албанија, има повредени
Објавено во: Балкан 02 Април, 2018
На најавените протести поради поскапување на патарините во Кукс, Албанија дошло до конфликт помеѓу полицијата и демонстрантите, а запалена е и наплатна рампа. Според Танјуг повредени се 13 полицајци и неколкумина демонстранти.
Рама вети дека сите ќе бидат казнети.
– Сторителите на насилствата и оние кои им биле инспиратори нека не мислат дека ќе триумфираат над законот, рекол Рама, а пренесува Ројтерс.
АП објави дека албанските власти оваа недела започнале пробна наплата на патарина која возачите ќе ја плаќаат од 2,5 до 22,5 евра, на автопатот кој е долг 110 километри, а кој косовските туристи го користат за одење на море во Албанија.