Косовците маршираат во Приштина - бараат три српски општини
Објавено во: Балкан 10 Ноември, 2018
Косовците денеска маршираат со барање три српски општини да се обединат со Косово.
Во главниот град на Косово, Приштина денеска се одржува марш за обединување на Прешевската Долина со земјата.
Косовското здружение „Чамериа“ во Приштина, организира „Марш за обединување на Прешево, Медвеѓе и Бујановац со Република Косово.
Настанот не е поврзан со ниедна политичка партија, велат организаторите, туку е „за доброто на граѓаните на Косово“.
Ова е идеја која што упорно ја промовира косовкиот претседател Хашим Тачи. Но. таа идеја нема поддршка од партиите во земја, и од поголемиот дел од меѓународната заедница.
Косовскиот премиер Рамуш Харадинај, смета дека зад декларативната заложба за припојување на Прешевската Долина со Косово се крие намерата за размена на територии со Србија, со што би се отворила Пандорината кутија, не само во Косово, туку и во целиот регион.
Идејата за размена на територии, односно „корекција на границата“, како што тоа го нарекува Тачи, има поборници и во Белград. Тука спаѓаат претседателот Александар Вучиќ и министерот за надворешни работи, Ивица Дачиќ, кои се залагаат за „разграничување со Косово“