Косово со нова резолуција ја направи ОВК недопирлива

Добивај вести на Viber

Косовските граѓани подолго време тивко се жалат дека поранешните припадници на ОВК прераснаа во големи моќници кои сега имаат власт, капитал, имот и законски повластувања, а тоа дополнително ќе се зголеми со изгласувањето на резолуцијата за „заштита на вредностите на борбата на Ослободителната војска на Косово“. Нејзиното предлагања од политичките партии доаѓа по изрекувањето на затворски казни за припадници на ОВК во Дреница, и ако се изгласа и предвидениот закон тогаш директно ќе има мешање во судската власт и правосудните органи.

Косовското Собрание со 61 глас „за“, 11 воздржани и ниту еден „против“, ја усвои резолуцијата и во период од шест месеци треба да го усвои и соодветниот закон.

Предлог резолуција имаше и движењето Самоопределување, но за тоа не се гласаше, бидејќи, како што образложи претседателот на Собранието, Кадри Весељи, таа предвидува промена на Уставот. Самоопределување исто така даде предлог ОВК да се внесе во преамбулата на Уставот.  

Организацијата „Демократија плус“, која ја надгледува работата на косовското Собрание, предупреди дека одлуката претставува директно мешање во правосудството. 

Апелацискиот суд во Приштина во понеделникот ја потврди пресудата на обвинетите за воени злосторства во случајот „Дреница 2“, а единствено на Сулејман Селани му беше намалена казната.