Ковачевски вети фер шанса за сите кои можат да придонесат во работењето на СДСМ
Објавено во: Македонија 27 Декември, 2021
Новиот лидер на СДСМ, Димитар Ковачевски најави фер шанса за сите кои можат да придонесат.
Не ги делам членовите на стари и на нови, СДСМ е најголема и најсилна партија во државата, вели лидерот на СДСМ, Димитар Ковачевски. Тој смета дека и сега партијата е обединета.
„Програмата ќе се базира на социјал-демократски вредности, фер шанса за сите кадри кои ги исполнуваат професионалните услови за да бидат назначени на институционално ниво. Меѓутоа и отворање на партијата кон сите оние може да придонесат со својата активност во зајакнување на партијата и нејзиното работење“, изјави Ковачевски.
Вечерва се одржува Централниот одбор на СДСМ. Ковачевски најави и родова еднаквост.