Краљ тврди дека луѓето во Сплит извикувале „убијте ги четниците“

Добивај вести на Viber

Ватерполистите на Црвена Звезда откако со тренерки на кои имало обележја на клубот поминаа викендов низ хрватскиот град Сплит, беа крвнички нападнати, а некој од нив спасуваа и „жива глава“.  За она што го доживеаја ватерполистите зборуваа на прес-конференција.

Голманот Александар Краљ морал да скокне во морето за да се спаси. 

„Ме удираа со боксови. Во тој хаос ми се скина јакната, останав во центарот со тренерката на Звезда. Тогаш се фокусираа на мене, ме нападнаа со палки, ножеви. Викаа дека ќе го убијат четникот. Почнав да трчам, за да се спасам. Во тој момент забележав еден дечко дека со нож се оди спрема мене, ме „закачи“ по ногата. Единствено решение беше да скокнам во морето. И полицијата ми потврди дека сум донел одлука. Мислев дека се спасив, но потоа почнаа да ме гаѓаат со камења и постојано говореа дека ќе го убијат четникот, тогаш соблеков се од себе, не знаев повеќе што да правам. По неколку минути хаос, хулиганите се разбегаа“, вели тој. 

Додава дека му е криво што граѓаните извикувале „убијте ги четниците“. 

Српското МНР ѝ врачи протестна нота на хравстката амбасада во Белград, поради нападот на ватерполистите на Црвена ѕвезда во Сплит. 

Министерот за внатрешни работи на Хрватска, Давор Божиновиќ деновиве најостро го осуди нападот на ватерполистите на Црвена Ѕвезда и изјави дека полицијата веднаш реагирала. Тројца од напаѓачите вчера се приведени.