Kучиња соборија на земја и искасаа тетовец кој заврши во болница
Објавено во: Македонија 19 Октомври, 2022
Тетовец заврши во болница, oткако синоќа кучиња го соборија на земја и го искасаа по целото тело, пишува Слободен печат.
На видео кое е објавено и на социјалните мрежи, се гледа како човек лежи на улица и повеќе кучиња го касаат и растргнуваат. За кратко на местото доаѓаа две лица, кои храбро со клоци успеваат да ги отргнат кучињата, а жртвата да ја спасат од посериозни повреди.
Лицето веднаш е пренесено во Клиничката болница Тетово, но поради сериозноста на повредите, задржано во Клиничката болница Тетово. Но, се наоѓа надвор од животна опасност.
Од СВР Тетово, велат дека немаат пријавено ваков случај, но обично кога луѓето се тешко повредени од кучиња скитници, случаите ги пријавуваат неколку дена подоцна, поради претрпениот шок, но и нанесените болки.
Двајца скопјани и битолчанец вчера во полиција пријавиле дека ги каснале кучиња скитници. Претходно, имаше и видео од Струмица каде човек едвај со помош на својот велосипед се спаси од глутница кучиња.