ЛИРАТА СОЗДАВА ГЛАВОБОЛКИ: Товарот ќе падне на турските компании, еве зошто
Објавено во: Економија 29 Август, 2018
Tурските компании се соочуваат со надворешен долг од 179 милијарди долари кои достасуваат за наплата до јули 2019 година, што претставува сериозен товар за економијата.
Финансиската корпорација Џеј Пи Морган денеска ja соопшти oваа информација.
Најголем дел од тој долг, околу 146 милијарди долари, е долг на приватни турски компании, најчесто на банките, а централната Влада мора да отплати или репрограмира скромни 4,3 милијарди долари.
Вкупно надворешниот долг кој достасува за наплата чини скоро една четвртина од турската економија, а состојбата е особено загрижувачка имајќи го предвид падот на турската лира, тврди Џеј Пи Морган.
Падот на валутата претставува проблем за турските компании кои имаат долг кон надворешни партнери во странска валута.
Турската лира падна за 40 проценти во текот на годинава, поради конфликтот со САД околу апсењето на свештеникот Ендрју Брансон во Турција, и не-екстрадицијата на свештеникот Фетула Ѓулен од САД.
Од 179 милијради долари, 32 милијарди достасуваат до крајот на 2018 година, а 47 милијарди се во обврски за кои се смета дека се лесни за репрограмирање, но сепак, и покрај овие олеснувања, во првата половина на 2019 година достасуваат над 100 милијари долари надворешни обврски.
Турската лира ослабна денеска во однос на доларот, по зголемување на загриженоста од потенцијални негативни ефекти на кризата на домашната валута.
Лирата на тргувањето утринава падна на дури 6,4 лири за долар, што е нејзино најниско ниво од 15 август, но до 8:28 часот нејзината вредност благо се опоравила, на 6,37 лири за долар.