ЉУБИТЕЛ НА ВОЈНИТЕ, ЛУКСУЗОТ И ВЛАСТА: Вака изгледа животот на принцот Салман за кој зборува цел свет
Објавено во: Свет 25 Октомври, 2018
Во моментов цел свет зборува за човекот во кој вперен прстот дека е вмешан во убиството на новинарот Џамал Кашоги, кој исчезна на 2 октомври кога влегол во зградата на саудискиот конзулат во Истанбул.
Малку се тие кои слушнале за Мохамед бин Салман а во медиумите е познат и како МбС а пред оваа криза која сега ја тресе Саудиска Арабија беше контроверзна личност.
Детали за убиството на Кашоги, кое предизвика реакции ширум светот и допринесе на постојано зголемување на притисокот на саудиската влада, уште не се познати, но сите бројни шпекулации дека Бин Салман знаел за убиството или дури и го наредил како би го замолчел, еден од своите најголеми критичари. Од американскиот конгрес стигнаа и повици да се преиспита „блиското политичко пријателство“ помеѓу принцот и администрацијата на Трамп, а републиканскиот сенатор Линдзи Грејм неодамна го опиша Салман како „токсичен„ и рече дека „Мора да замине“.
Иако најпрво се однесуваше како модернизатор и реформатор, најпознат по планот за реформи „Саудиска Визија 2030“ и по тоа што ги укина забраната за кино во Саудиска Арабија и забраната со која жените добија дозвола да возат, таа слика се промени кога почна да ги отстранува своите неистомисленици и критичари, и лани нареди апсење на околу 20 принцеви и бизнисмени во земјата. Поради критичкиот став кон принцот и самиот Џамал Кашоги самонаметнат егзил во Соединетите држави, поради тоа што бил загрижен за својата безбедност.
Мохамед бин Салман е роден во 1985 година и е престолонаследник на Саудиска Арабија, прв заменик премиер и најмлад министер за одбрана на светот. Именуван е за крунисан принц во јуни лани, по одлуката на татко му да го смени Мухамед бин Наиф од сите функвии и него да го постави за претпоставен наследник на тронот.
Принцот е познат по тоа што живее многу раскошен животен стил. Еден од примерите кои тоа го илустрира е неговото купување на јахтата Серена, која е по нарачка изработена за рускиот тајкун Јури Шефлер а истовремено изнајмувана и за Бил Гејтс за пет милиони долари неделно. Бил Салман за Серена платил 500 милиони евра, а во 2015 наводно купил замок во Франција за 300 милиони . Интересен е и фактот дека има само една жена, што во неговата земја ретко се гледа, посебно меѓу членовите на кралското семејство. Со принцезата Сара бин Машор се оженил во 2008 година и имаат две деца, две момчиња и две девојчиња.
Бракот помеѓу роднини не е реткост во богаташките, посебно племски семејства.
Неговото богатство исто така е нешто што ја фасцинира јавноста. Принцот е исклучително имотен, а тежок е повеќе од три милијарди долари што е неверојатно дури и според мерилата на саудиското племство.
Ја поседува дури и една од најскапите куќи во светот, а за големата палата во 2015-та искеширал 300 милиони долари.