Лонгир, град во кој не смеете да починете

Добивај вести на Viber

Смртта е непожелна во овој град.

Неодамнешната епидемија на антракс во Русија го потврди она што властите на норвешкото арктичко гратче Лонгир, го знаат многу одамна – дека смртта би требало да биде нелегална.

Законот во ова гратче со 2.100 жители е донесен во 1950 година. Причината за тоа се крие во пермафростот, кој го спречува распаѓањето на телата во гробиштата. Тоа значи дека смртоносните вируси најверојатно „ќе преживеат“, а тоа пак претставува опасност за луѓето, но и животните кои се живи, објави интернет страницата WN.com.

Тоа, според написот, ја објаснува и епидемијата на антракс во Русија во 2016 година, кога топлотниот бран го одмрзна пермафростот (или т.н замрзната почва), што беше последица на ширење на бактериската болест од мртов елен на други елени, при што угинаа повеќе од 2.300 единки.

Научниците, во лешеви на Алјаска и во Лонгир пронајдоа траги од шпанска треска, па денес смртно болните жители на оваа област одат на друго место да починат. А пак, телата на оние кои „нема да го испочитуват законот“ се погребуваат во друг град.

Единствениот исклучок е кремацијата, која ги уништува или деактивира опасните вируси.

Инаку, Лонгир не е единствено место на светот кое забрани умирање. Повеќе градови во Италија и Франција имаат сличен закон, но причината за тоа е пренатрупаноста на локалните гробишта.