ЛОШ БИЛ ПРЕВОДОТ: Муареми демантира дека се заканувал со инспекции за Сопиште
Објавено во: Македонија 30 Септември, 2021
„Вчера, во рамки на партиските активности за претстојните локални избори, остварив средба со жителите на Општина Сопиште, каде жителите искажаа револт и незадоволство од работењето на сегашниот градоначалник и беа презентирани информации за одредени злоупотреби што градоначалникот Стефче Трковски ги направил и ги прави искористувајќи ја својата функција. Граѓаните упатија директно прашање до мене, зошто не постапам, на што одговорот од моја страна беше дека доколку, од позиција на директор, сега ги процесуирам нивните сознанија и укажувањата за извршените злоупотреби од страна на сегашниот градоначалник, тоа ќе се смета како политички притисок, и дека тие се оние кои што со својот глас, на овие локални избори треба да го казнат градоначалникот за неговото работење, вели Муареми.
Додава дека на жителите им рекол оти искажаните сомненија ќе се разгледуваат по завршувањето на изборите, бидејќи сега истите би се толкувале како политички притисок.
„Наместо информацијата да биде пренесена така како што е кажана, одредени медиуми и креаторот на лажните вести ВМРО-ДПМНЕ, преку пласирање на лажни и невистинити објави и неточен и нецелосен превод на видео снимката од албански на македонски јазик, се обидоа да ја извртат вистината, но тоа не им успеа бидејќи аргументите се на наша страна. Што се однесува до објавите и соопштението на ВМРО- ДПМНЕ, сметам дека е непотребно да ги коментирам, од причина што нивниот лидер Христијан Мицкоски, како и неколку нивни членови се веќе посочени од страна на Европскиот парламент во студијата изработена од страна на Генералниот директорат за надворешна политика на Европската Унија , како креатори и главни извори и пренесувачи на дезинформации, а со цел дискредитирање на нивните политички противници, вели Муареми.
Вчера од ВМРО-ДПМНЕ соопштија дека премиерот и лидер на СДСМ, Зоран Заев во паника од пораз ги злоупотребува државните институции за политички притисоци, па така директорот на финасиската пиолиција Арафат Муарми добива нова задача и ќе испраќал инспекции во Сопиште зошто во оваа скопска оопштина градоначалникот е од опозициската ВМРО-ДПМНЕ.
„Знаат дека ќе изгубат и затоа Зоран Заев го вклучува неговиот механизам за притисоци, велат“, од ВМРО-ДМНЕ. Велат дека директорот на Финансиската полиција се заканува дека ќе прател инспекција на градоначалникот на Сопиште, Стефче Трпковски и така на сила ќе го сменеле“, додаваат.
Потсетија дека Муареми пред неколку дена испорача и кривична пријава, што беше брутална нарачка од власта, за градоначалникот на Петровец, Борче Митевски.
„Наместо програма – закани, наместо работа – злоупотреби. Затоа, жестоко ќе изгуби криминалната коалиција СДСМ-ДУИ“, истакнуваат од ВМРО-ДПМНЕ.
Видеото подолу