Лукаревска: Нема казна ако не се регистрираш
Објавено во: Економија 27 Ноември, 2018
Сања Лукаревска, директорката на Управата за јавни приходи, денеска изјави дека оној кој нема да се регистрира со даночна е-пријава до крајот на годината нема да биде казнет, но на истиот ќе се гледа како на потенцијален даночен затајувач.
Во тек е електронското пријавување од страна на даночните обврзници, а таа тврди дека нема да има директно казнување доколку не се испочитува рокот до крајот на 2018-та.
-За она физичко лице, кое нема да се регистрира во нашиот систем согласно новата даночна реформа не постои казна. Меѓутоа даночното затајување е казниво по закон. Така да секој оној кој ќе сака да ги скрие своите дополнителни приходи, значи и дека прави даночно затајување, рече Лукаревска.