Мајк Пенс: САД стојат до Европа и НАТО
Објавено во: Свет 19 Февруари, 2017
Потпретседателот на САД Мајк Пенс испрати порака на поддршка за Европа од страна на американскиот претседател Доналд Трамп, но не успеа целосно да ги смири сојузниците, загрижени од позицијата на новиот државен шеф кон Русија и Европската унија (ЕУ), пренесува Ројтерс.
Во првиот голема говор на Пенс на меѓународен настан, како дел од администрацијата на Трамп, потпретседателот изјави пред европските лидери и министри дека разговарал со американскиот прв човек, кој ветил „нескршлива“ посветеност кон НАТО.
„Денес во име на претседателот Трамп ви давам потврда: САД силно го поддржуваат НАТО и ќе бидеме непоколебливи во нашата посветеност кон оваа трансатлантска унија“, коментирал Пенс во рамките на Минхенската конференција за безбедност.
Иако полскиот министер за одбрана го поддржал Пенс , други, вклучувајќи го и францускиот министер за надворешни работи, останале скептични дека Трамп, поранешна риалити ѕвезда, ќе застане зад Европа.
Конфликтните коментари на Трамп за вредноста на Организацијата на Северноатлантскиот договор, скептицизмот кон договорот од 2015 година за ограничување на нуклеарните амбиции на Иран и навидум потценување кон иднината на Европската унија ја загрижија Европа.
Францускиот министер за надворешни работи Жан-Марк Еро го изрази во Twitter своето разочарување дека говорот на Пенс „не содржел ни збoр за Европската унија“, иако потпретседателот ќе упати порака во Брисел во понеделникот.
Американскиот сенатор Крис Марфи, кој е демократ, изјави дека видел две конкурентски влади кои доаѓаат надвор од администрацијата на Трамп.
Пенс , министерот за одбрана Џим Матис и државниот секретар Рекс Тилерсон, упатија пораки за смирување, во рамките на првото возење до Европа како дел од администрацијата на САД.
САД се најголемиот трговски партнер на Европа, најголемиот странски инвеститор на континентот и партнер на ЕУ во речиси сите надворешни политики, како и главен поддржувач на европското единство во текот на 60 години.
Можеби ќе ве интересира
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
АКО ПАТУВАТЕ НИЗ ОВИЕ ЕВРОПСКИ ГРАДОВИ БИДЕТЕ МНОГУ ВНИМАТЕЛНИ: Еве каде има најмногу џепчии во Европа
„АНТИСЕМИТСКИ ДИКТАРОТ КОЈ ГИ ПРЕКРШУВА ГЛОБАЛНИТЕ СИНЏИРИ“: Израел бара „правда“ по одлуката на Турција
ЕКОЛОШКА КАТАСТРОФА ВО БЕРЛИН - отровен чад го покри небото, видлив со километри наоколу (ВИДЕО)
ПРЕДВИДУВАЊЕ ЗА СМРТТА НА КРАЛОТ ЧАРЛС: Датумот наводно е познат, велат дека не му останува уште многу време
„НЕ Е ИСКЛУЧЕНО, ЈА ЗНАЕМЕ ОПАСНОСТА“ - на ТикТок му се заканува забрана за работа и во Европа
ЗАЧЕСТИЈА „ПРИКАЗНИТЕ“ ЗА КЕЈТ И ВИЛЈАМ: „Не ја поднесува добро хемотерапија, принцот нема да остане долго со неа“
БУРА НА ЗАПАДОТ - Германија ја обвини Русија за сајбер напади: „Тие се контролирани од тајната служба“
