Македонија од 39 земји на 24-то место по број на војници во Авганистан

Добивај вести на Viber

По објавувањето на американскиот претседател Доналд Трамп за повлекување на војниците од Сирија, истото го најави и со 7.000 војници од Авганистан.

Овој потег доаѓа во време кога американските официјални претставници беа вклучени во преговори со Талибанците, кои беа потиснати по инвазијата на САД во Авганистан во 2001 година, но сега контролираат значителен дел од територијата на Авганистан.

Американските сили влегоа во Авганистан во 2001 година во инвазија по нападите врз зградите на Светскиот трговски центар и Пенатагон на 11-ти септември.

Во Авганистан, во рамките на мисијата на НАТО, има 16.919 војници од 39 земји.

Се проценува дека САД во Авганистан имаат вкупно 14.000 војници, од кои 8.475 се дел од мисијата на НАТО и 25.000 се вработени во приватни безбедносни компании.

На второ место се Германците со 1.300 војници, а Британците (Велика Британија) со 1.100 војници.

Земјите од потесните региони учествуваат со релативно мал број војници. Бугарија има 159, Албанија е со 136, Хрватска има 106 свои војници во мисијата на НАТО во Авганистан, Босна и Херцеговина 63, Македонија 50, Црна Гора 29.

Грција и Словенија имаат само десет, односно осум, или повеќе само од Исланд со 3 и Луксембург со 2.