Македонија со Русија ќе вежба цивилна одбрана
Објавено во: Македонија 25 Јуни, 2019
Републички сили за заштита и спасување ќе учествуваат на заедничка вежба со цивилната одбрана на Русија во Ниш од денеска па во наредните два дена, објави Владата соопштувајќи ја агендата на денешната 141-ва седница.
„На денешната седница Владата на РСМ ќе ја разгледа Информацијата за испраќање на републички сили за заштита и спасување на меѓународна вежбовна активност за менаџирање на итни ситуации“, се вели во најавата.
Вежбата ќе се одржува под покровителство на Министерството за внатрешни работи – Сектор за вонредни ситуации на Република Србија и Министерството за цивилна одбрана на Руската Федерација од 25 до 27 Јуни 2019 година во Ниш.