17 Декември, 2018
0.3000
    ALK 8219.33    0.26%     CEVI 920    -8%     GRNT 794.29    -0.73%     KMB 5049.17    0.5%     MPT 46714.29    0.07%     MTUR 4900    0%     OHB 6500    -0.26%     OKTA 4785    10%     RZIT 25    0%     RZLE 15    -28.57%     STB 1286.11    0.35%     STIL 121    0%     TEL 300    0.14%     TNB 14127.73    -0.37%     TTK 1245    -1.97%     ZPKO 2350    -17.54%

Македонски Телеком ќе ги изгаси светлата на „Часот на планетата Земја“

Објавено во: Мои пари 21 Март, 2018

Македонски Телеком и годинава ќе биде дел од најголемата светска волонтерска акција „Часот на планетата Земја“. На 24 март (сабота) во периодот од 20:30 до 21:30 часот компанијата ќе го исклучи осветлувањето во административната зграда во центарот на Скопје, со што ќе се испрати порака за спас на планетата Земја.

Со години наназад, климатските промени се еден од најсериозните проблеми на денешницата, па затоа Македонски Телеком традиционално е дел од глобалните иницијативи за климатски промени и одржлив развој, покажувајќи ја на тој начин не само својата општествена одговорност, туку и посветноста за заштита на човековата околина. Во таа насока, компанијата се стреми кон оддржливо општество за новите генерации, а во своето секојдневно работење постојано превзема мерки за подобрување на животната средина.

Годинава започнати се повеќе иницијативи во рамки на проектот „Тelekom Goes Green“ со кои Македонски Телеком се вклучува во борбата за чист воздух и здрава животна средина.  Возниот парк е збогатен со паметни велосипеди за здрави и корисни навики на вработените, како и со првото електрично возило, како чекор кон борбата против аерозагадувањето во главниот град.

Дополнително, Македонски Телеком применува и иновативни решенија за зголемување на енергетската ефикасност, а намалувањето на потрошувачката на енергија го постигнува со воведување на нови современи комуникациски технологии. За контрола на потрошувачката на електрична енeргија во административните објекти воведен е систем за автоматско вклучување на светлата.Компанијата прави селекција и соодветно постапува со опасниот отпад како што е електронскиот и  електричниот отпад, отпадот од батерии и акумулатори. Грижата за животната средина се потврдува со повеќе мерки за намалување на користењето на хартија, а една од позначајните во која партнери се корисниците е воведувањето на електронска сметка како замена за хартиената. Како доказ за постојаната грижа за животната средина е и континуираното преиспитување на барањата на стандардот ISO 14001:2004.

 Со поддршката во акцијата „Час на планетата Земја“, Македонски Телеком дава свој придонес во подигнувањето на свеста за климатските промени и истовремено ги поттикнува и останатите компании, поединци или организации активно да се вклучат во зачувување на здравата животна средина за идните генерациии.

Планетарното движење „Час на планетата Земја“ е покренато од World Wildlife Fund организацијата, а во акцијата учествуваат повеќе од 180 држави ширум светот.


Можеби ќе ве интересира

Системски реформи во регионот и приспособување кон единствениот европски пазар- Порака од генералното собрание на АБК во Истанбул

Системски реформи во регионот и приспособување кон единствениот европски пазар- Порака од генералното собрание на АБК во Истанбул

Нема вода во оваа скопска Населба

Нема вода во оваа скопска Населба

Поскапеа ски-билетите во бугарските зимски центри

Поскапеа ски-билетите во бугарските зимски центри

(ВИДЕО) Биби им подари новогодишна песна на децата

(ВИДЕО) Биби им подари новогодишна песна на децата

Дефекти на овие скопски улици

Дефекти на овие скопски улици

Креиран првиот онлајн курс „Креирање на младински политики“

Креиран првиот онлајн курс „Креирање на младински политики“

Информативна дебата за рудникот Иловица-Штука со поддршка од експертите и локалното население

Информативна дебата за рудникот Иловица-Штука со поддршка од експертите и локалното население

Капитол мол го прославува својот 5ти роденден со забава за целото семејство

Капитол мол го прославува својот 5ти роденден со забава за целото семејство

AUTOBEST: OpelComboLife е "BestBuyCar" во Европа за 2019

AUTOBEST: OpelComboLife е "BestBuyCar" во Европа за 2019