Македонските фармацевтски гиганти со зголемена добивка во корона-кризата
Објавено во: Финансии 28 Август, 2020
Македонските фармацевтски гиганти Реплек и Алкалоид на Македонската берза пријавија зголемени добивки за време на своето работење од 1 јануари до 1 јули 2020 година во однос на истиот период лани.
Фармацијата е една од ретките индустриски гранки која не само што не претрпе загуби во периодот на корона-кризата, туку напротив, доби можност да го зголеми своето производство, нешто што не беше одминато ниту кај македонските великани.
Реплек АД Скопје изминатата недела објави дека во периодот од 1 јануари 2020 година до 30 јуни 2020 година оствари неконсолидирана добивка пред оданочување во износ од 109.410.000 денари и бележи зголемување од дури 31 отсто во однос на истиот период минатата година. Приходите од продажба на домашен пазар имаат зголемување од 20 проценти во однос на истиот период минатата година. Оперативните приходи изнесуваат 525.641.000 денари и се зголемени за 6 отсто. Приходите од продажба на странски пазар имаат учество од 64 отсто во вкупните приходи од продажба и имаат зголемување од 22 процентиПретходно Алкалоид АД на крајот од јули објави дека во периодот јануари-јуни 2020 година оствари позитивни финансиски резултати и приходи кои изнесуваат 4.931.595.000 денари, односно пораст од 15 отсто. Алкалоид бележи зголемени продажби и на домашниот и на странскиот пазар а добивката е 525.025.000 денари, додека во првата половина на 2019 таа била 476.944 денари.