Макпетрол: Изедначувањето на акцизите на екстралесното гориво и на дизелот е во интерес на сите
Објавено во: Економија 23 Јуни, 2020
„Макпетрол“ АД ја поздравува Одлуката на Владата за изедначување на акцизата на екстра лесното гориво со акцизата на дизел горивото, соопштија од компанијата. Велат дека одлуката за изедначување на акцизата на екстра лесното гориво со акцизaта на дизел горивото е во интерес на сите, граѓаните, државата и трговците со нафта и нафтени деривати.
„Имено, со изедначување на акцизата ќе запрат злоупотребите кои се прават со екстра лесното гориво, со што ќе почне да се користат поквалитетни горива, кои директно ќе влијаат врз намалување на загадувањето на воздухот, а, исто така, ќе донесе поголеми приходи во државниот буџет, што е битно во овие моменти на економска нестабилност, предизвикана од пандемијата на вирусот COVID-19. Се надеваме дека пред истекот на важноста на оваа одлука, новиот собраниски состав ќе направи и измени во Законот за акцизи и еднаш засекогаш ќе се реши овој проблем, стои во соопштението.
Додаваат дека во целост ги поддржуваат државните институции во носењето на вакви одлуки кои се во интерес на државата и граѓаните.