Маричиќ: Удари по правната држава доаѓаат секојдневно од различни центри на моќ
Објавено во: Македонија 31 Декември, 2021
Министерот за правда, Бојан Маричиќ, во својата новогодишна честитка упатена до граѓаните рече дека е потребно време да се амортизираат ударите кон правната држава кои се, како што вели тој, секојдневни од различни центри на моќ.
„Реформите во секторот со кој раководам не се ниту брзи, ниту едноставни. Удари кон правната држава има секојдневно, од различни центри на моќ, а за демонтирање на остатоците од режимот во судството треба навистина време и трпение. Сепак, сигурен сум дека откако веќе јавно се говори за проблемите и се работи на нивно решавање и откако конечно се носат вистински системски решенија, потребно да се опстои на патот по кој тргнавме. Патот на реформите, а резултатите сигурно ќе дојдат“, порача Маричиќ.
Меѓудругото, министерот вели дека продолжува филтрацијата на судството, а поради констатирано нестручно е несовесно работење повеќе судии беа разрешени од страна на Судскиот совет.
Оваа година добивме позитивни извештаи и од Стејт Департментот и Европската комисија во делот на правдата каде што е констатиран напредок.
„Ова уште еден доказ дека сето тоа што го работевме изминатиот период како Влада и како Министерство за правда е признаено од најрелевантните меѓународни фактори, кои во минатото давале слаби оценки токму во делот на владеењето на правото и правната држава“, додава тој во резимето за 2021.