МЕЃУ ЖРТВИТЕ Е И РУСКИ ПОЛКОВНИК: Се вратил од фронтот во Украина, а загина во терористичкиот напад во Москва
Објавено во: Свет 31 Март, 2024
Одликуван руски полковник загинал во терористичкиот напад во Москва спасувајќи ги сопругата и синот.
Станува збор за Тимур Мјасников, кој загинал во „Крокус сити“. Полковникот кој бил на одмор од фронтот, со семејството отишол на концерот на групата „Пикник“ на 22 март. Кога почнала престрелката, офицерот успеал да ги извлече сопругата Полина и синот Руслан од пукањето, но терористите го погодиле со три куршуми.
По неколку дена во болница Мјасников починал од раните. Во нападот загинаа 144 луѓе.
Русија врши рации во студентски домови и станови за кои е познато дека во нив се сместени мигранти од Централна Азија и врши масовни депортации, објави рускиот независен медиум Медуза.
Терористите кои го извршија нападот се од Таџикистан, а логистика им пружиле жители на Москва со потекло од Киргистан.