Меркел по четврти пат ќе се трка за канцелар - Мигрантска криза ќе пресуди
Објавено во: Свет 20 Ноември, 2016
Ангела Меркел најави дека повторно ќе ја бара довербата да стане германски канцелар по четврти пат и доколку успее во тоа со годините на владеење ќе се изедначи со Хелмут Кол кој ја водеше Германија цели 16 години.
Меркел изјавила пред другите раководители на Христијанско-демократската Унија (ЦДУ), кои денеска заседаваат во Берлин, дека има амбиција да биде реизбрана како претседател на партијата на конгресот следниот месец, а потоа повторно да се кандидира за шеф на германската влада на парламентарните избори во 2017 година.
Германците повеќе месеци ја чекаат одлуката на Меркел, која е на власт од 2005 година, дали ќе се кандидира за четврти мандат.
Лидерката на ЦДУ се соочи со голем број проблеми во последните неколку месеци, како што се критики околу решавањето на мигрантската криза и намалување на рејтингот.