Меркел слави роденден - колку години полни?
Објавено во: Свет 17 Јули, 2019
Германската канцеларка Ангела Меркел, денеска слави роденден.
Таа полни 65 години и најави дека тоа ќе биде обичен работен ден за неа. Од нејзината канцеларија инфорираа дека Меркел ќе ја води редовната седница на својот кабинет, што се одржува секоја среда.
„Роденден не значи дека човек станува помлад. Можеби, само малку поискусен“, кажа Меркел.
Таа вели дека планира да остане канцелар до завршувањето на мандатот во 2021 година, иако уште следната година ги исполнува условите за пензија.
Денешните германски тинејџери не знаат за друг канцелар освен Меркел, имајќи предвид дека таа е на функцијата од 2005 година, но и натаму важи за најомилен и најпопуларен политичар во земјата.
Меркел на луѓето им дава чувство на сигурност и стабилност.
„Меркел одлично се снаоѓа и во надворешната политика, без разлика во чие друштво се наоѓа“, вели Манфред Гилнер, директорот на демографскиот институт „Форса“.
До Меркел денес е испратена роденденска честитка и од претседателот на Руската Федерација, Владимир Путин. Роденденот на Меркел тој го честитал телефонски.
„Драга Ангела, Германија, Европа и целиот свет го ценат вашето лидерство и долгогодишната работа како федерална канцеларка“, рекол Путин.
Светските медиуми и посветуваат внимание на Меркел и нејзиниот 65. роденден. Би-би-подготви текст со наслов „Една силна жена која заради тресењете ја загрижи нацијата“.
Ангела Меркел, Енџи, е политички лидер со додавката неприкосновен, таа е синоним за стабилен и силен политичар кој тежнее кон компромиси, таа е личност на годината во магазинот „Тајм“, избрана неколку пати за најмоќен светски лидер.