МETA ПО СРЕДБАТА СО ИВАНОВ: Односите меѓу нашите две земји се значајни и за нашата иднина во ЕУ

Добивај вести на Viber

Односите меѓу нашите две земји не се само од егзистенцијално значење туку се значајни и за нашата иднина во ЕУ, изјави претседателот на Албанија, Илир Мета, по средбата со македонскиот колега Ѓорге Иванов во „Вила Водно“.

Според Мета, односите меѓу соседите понекогаш се поедноставни, но ние знаеме да ги искомплицираме. 

„Доколку на луѓето цело време им судиме нема да остане време да ги сакаме. Подобро да го трошиме времето работејќи и поддржувајќи се едни со други и притоа сите да имаме придобивка од оваа соработка и заемно разбирање отколку да си судиме едни на други посебно за прашања поврзани со минатото“ - вели  Мета.

Тој додаде дека Македонија и Албанија можат да преставуваат пример за соработка во целиот регион. Мета вели дека албанскиот фактор во Македонија е ориентиран кон стабилност, соживот и интеграции во ЕУ и НАТО. 

„Исто така сакам да ја изразам мојата гордост од македонската заедница во Албанија заради нивните вредности кои и ги даваат на нашата земја, културно богатсво, традицијата и преставуваат мост што ги поврзува нашите земји“ - смета Мета.

Тој вели дека сите со нетрпение очекуваат Македонија да го заземе заслуженото место во НАТО и да означи видлив напредог на патот кон ЕУ. Во таа насока Мета рече дека го охрабрува продолжувањето на дијалогот за решавање на проблемите кои ја спречуваат Македонија на овој пат.

„Македонија членка на НАТО преставува успех на целиот регион и фактор на стабилност во ова турбулентно време. Во однос на соживотот во Македонија го поздравуваме напредокот во однос на одредени прашања како прашањето со јазикот и се надевам дека ваков прогрес ќе имаат и другите прашања за подобар сооднос во Македонија“ - вели Мета.

Мета потврди дека на средбата се разговарало и за подобрување на инфраструктурноста меѓу двете земји со цел да станат уште позначаен фактор во регионот.

Трговската размена на две толку блиски земји не е на завоволитено ниво ниво, рече Иванов и додаде дека според бизнис заедницата, главен проблем е инфраструктурата.