Мицкоски: Масовен скрининг па избори
Објавено во: Македонија 07 Мај, 2020
Христијан Мицкоски, лидерот на ВМРО-ДПМНЕ, го повика министерот за здравство Венко Филипче да не ги форсира желбите на челниците на СДСМ - Зоран Заев и Радмила Шекеринска за брзи парламентарни избори, бидејќи како што вели тој, се уште се отвораат жаришта од епидемијата во Македонија.
- Масовен скрининг па да излеземе со став какви се условите, денеска добив информации дека следно жариште градот Велес. Ако утре членовите на Комисијата за заразни болести одлучат да постапат како лекари, немам дилема дека ставот ќе биде поразличен од желбите на Зоран Заев и Радмила Шекеринска. Во спротивно, тие ќе речат дека не постои никаква опасност и дека рзеултатот е ист како состојбата пред пандемијата, рече Мицкоски.
Претседателот на најголемата опозициска партија се согласува со ставот дека прво треба две недели по ред да има едноцифрен број на новозаболени од Ковид-19, па да се планираат изборите. Денес бројот на новозаболени беше 33.- Хипотезите и претпоставките треба да ги оставиме понастрана. Да видиме какви ќе бидат проценките на Советот за безбедност и лидерската средба во вторни.Бројот сега се зголемува затоа што имаме поголем број на тестови, рече Мицкоски на прашањето дали ќе има избори по завршувањето на вонредната состојба на 16 мај.