Мицотакис: Ципрас се спротивстави на нашите сограѓани кои ја искажуваат својата патриотска загриженост
Објавено во: Балкан 27 Јануари, 2018
Киријакос Мицотакис, претседател на опозициската партија Нова демократија по денешната средба го обвини премиерот Алексис Ципрас за поделба на Грците.
Ципрас денеска има серија поединечни средби со лидерите на политичките партии на кои ги информира партиите за текот на разговорите за спорот што Грција го има со уставното име на Македонија.
Мицотакис изјавил дека само поминал да се сретне со Ципрас поради неговата „институционална улога" како лидер на опозицијата.
Опозиционерите во Грција се револтирани поради тоа што, како што велат, неприфатливото одложување на информирањето на водачот на земјата по разговорите со посредство на ОН за прашањето за името „Македонија".
„Ципрас никогаш не ги информираше парламентот или грчкиот народ. Отиде на преговори, без да ја обезбеди поддршката на неговиот владин партнер. Сепак, полошо е тоа што тој ги подели Грците. Тој им се спротивстави на нашите сограѓани кои легитимно ја искажуваат својата патриотска загриженост"- вели Мицотакис.
Брифинзите на Ципрас со другите лидери на партиите траат и се очекува да завршат вечерва.