Мисајловски: СДСМ си игра со големите инфраструктурни проекти
Објавено во: Македонија 07 Јули, 2017
Екс министерот за транспорт и врски Владо Мисајловски на партиска прес конференција го обвини СДСМ дека новата Влада веќе цел месец ништо не работат и дека покажуваат голема неспособност.
- Проектите од сферата на инфраструктурата почнати од владата на ВМРО-ДПМНЕ се од витално значење за Република Македонија и не смеат да трпат застои или одложувања, a окрај тоа сите тие пред да почнат со градба се добро подготвени со претходни анализи и мислења, порача Мисајловски.
Тој смета СДСМ дека „си игра со големите инфраструктурни проекти од значење за државата“ и дека единствениот проблем со кој се соочуваат изградбата на автопатот Кичево – Охрид и експресниот пат Прилеп – Градско е „неспособноста на СДС“.
– Големите инфраструктурни проекти се проекти кај кои секаде во светот се јавуваат одредени пречки во текот на градбата, но напоменуваме дека решенијата за истите се решаваат со работа и не се предизвици поради кои треба да запре изградбата – рече Мисајловски.
Претходно новиот министер за транспорт и врски Сугарески откри дека има големи проблеми и грешки во изведбата на автопатите кои државата ќе ја чинат дополнителни стотина милиони евра.