Митева: Граѓаните стравот зад параванот го победија со храброст
Објавено во: Македонија 31 Октомври, 2021
Марија Митева, портпаролката на ВМРО-ДПМНЕ вечерва на прес - конференција изјави дека граѓаните стравот зад параванот го победиле со храброст.
Таа вели дека се задоволни и укажа на повисоката излезност за разлика од првиот круг. Изјави дека граѓаните на црната кампања на власта одговориле со масовна излезност.
„Ние ќе продолжиме да работиме за сите граѓани“, кажа Митева.
Смета дека граѓаните се одлучиле за промени и проекти, но се воздржа од соопштување на резултати. Тие ќе бидат објавени подоцна.
Во Македонија денеска се одржа вториот круг од седмите локални избори.