Млад кумановец ја заклучил мајка си, а потоа се обидел да нападне полицајци
Објавено во: Македонија 05 Ноември, 2020
Младо момче од околината на Куманово ја заклучило својата мајка, а откако дошла полиција се обидел и да го нападне полицајците.
Во семејната куќа во село Љубодраг, пред два дена Н.А.(23), по вербална расправија, ја заклучил неговата мајка Н.А.(44) во нивниот дом, заканувајќи се да не повика полиција.
Со помош на соседи таа повикала полиција, а откако Н.А. ги забележал полициските службеници, се обидел со остар предмет да ги повреди, по што самиот си нанел повреди.
По укажаната помош во кумановската болница пријавениот, вчера е спроведен во Казнено-поправната установа Затвор К’шање.
Kумановската полиција поднесе кривична пријава против Н.А.(23) поради постоење основи на сомнение за сторени кривични дела „противправно лишување од слобода“ и „напад на службено лице при вршење работи на безбедноста“.