Младеновски се поправи: Нема да вработувам буквално пријатели и блиски во „Балканлар пластик“
Објавено во: Економија 19 Јули, 2019
Александар Младеновски, директорот на Дирекцијата за трговско-индустриски развојни зони, синоќа испрати објаснување дека не планирал буквално да вработува свои пријатели и блиски во странската инвестиција „Балканлар пластик“, чија изградба на капацитетот започна вчера. Испрати дообјаснување за, како што вели, негова изјава да не биде погрешно разбрана.
„Би сакал да потенцирам, со цел да не бидам погрешно протолкуван за моето денешно обракање во употребената фраза ,,мои пријатели ќе работат во оваа нова компанија”. Koга го споменав тоа мислев на моите пријатели, врсници или луѓе на помлади години кои се подготвени за работа, а тоа се младите луѓе од нашата земја кои наместо да ја напуштат ќе имаат прилика да останат тука и да работат и заработуваат во сопствената земја“, се вели во објаснувањето на Младеновски.
Младеновски на свеченото започнување на изградбата на инвестицијата која треба на крајот да вработува 300 луќе и да вложи од осум до 10 милиони евра говореше заедно со министерот за економија Крешник Бектеши, вицепремиерот за економски прашања Кочо Анѓушев и премиерот Зоран Заев.
- Кога ќе погледнам дека нешто почнува да се гради многу ме радува. Поради тоа што сум сигурен дека за некој месец на ова исто место ќе работат мои пријатели, блиски, рече Младеновски за време на својот говор.
„Балканлар пластик“ е турска инвестиција а ќе произведува амбалажа за градежната, автомобилската и млечната индустрија во развојната зона Скопје 1.
Можеби ќе ве интересира
КАКО СЕ ПРАВИ ЧИСТ ПРОФИТ ОД ТРИ МИЛИОНИ ЕВРА ЗА САМО ТРИ МЕСЕЦИ - рецептот го има прилепска компанија со странски газди
Државно претпријатие направи добивка од 100 милиони евра и ја зголеми просечната плата за 100 евра
ДРЖАВИТЕ ДА ПРАВАТ РЕЗЕРВИ ЗА КРИЗНИ ПЕРИОДИ – што научивме од последователните кризи, каде да се насочат „силите“ во иднина
АРАНЖМАНИТЕ ЗА МАЈ И ЈУНИ ПОПОЛНЕТИ, ИМА ПО НЕКОЕ МЕСТО И ЗА СЕПТЕМВРИ - Србите не се откажуваат од Грција, иако е поскапа за 15 отсто
СЕКОЈ ДЕСЕТТИ ГРК РАБОТИ ПРЕКУВРЕМЕНО, ХРВАТИТЕ МНОГУ ПОМАЛКУ, А БУГАРИТЕ НАЈМАЛКУ - еве што покажуваат податоците за земјите на Европската унија
КОНКУРЕНТСКИТЕ ВИ ГИГАНТИ ГИ ВОДАТ ЛУЃЕ КОИ СЕ РОДНИНИ И ПРИЈАТЕЛИ ОД ДЕТСТВОТО - еве како сѐ почна
СРБИТЕ ОДАТ НА СЕЗОНСКА РАБОТА ВО ХРВАТСКА: Зошто оваа земја е примамлива за нив?
ХРАНАТА ВО СВЕТОТ ПОСКАПУВА: Шеќерот поевтини поради позитивни сигнали од три земји
ВАЛУТИ: Зошто паѓа вредноста на доларот во однос на јенот?
