Можно е пописот да се пролонгира: Средба Заев-Мицкоски
Објавено во: Македонија 29 Март, 2021
Можно е Владата да прифати да се одложи пописот, дури не се вакцинираат попишувачите, но сите детали ќе се договараат на средбата меѓу Зоран Заев и Христијан Мицкоски која започна пред малку во Клубот на пратеници. Дека има расположение за тоа кај Владата, за повеќе медиуми потврди премиерот Зоран Заев, но дали средбата ќе има ваков исход не се зане. Тоа зависи од текот на разговорот.
Според официјалните најави, тема на денешната средба ќе бидат и измените на Изборниот законик, за што ВМРО-ДПМНЕ веќе излезе со предлог локалните избори да се одржат во еден круг, што не беше прифатливо за СДСМ пред дополнителните избори за градоначалници и за советници во Штип и во Пласница минатата година. Од друга страна, СДСМ останува на предлогот за воведување една изборна единица за парламентарни избори, наместо сегашните шест. Се очекува и договор за употреба на скенерите за отпечатоци од прст на претстојните локални избори, а Заев најави дека ќе разговара со Мицкоски и за законите што се блокирани во парламентот.