МУХАМЕД ЗЕКИРИ ГИ ПОДГОТВУВА ДОКУМЕНТИТЕ ЗА КОНКУРСОТ ВО ФЗО: Се поизвесно дека ќе седне во директорската фотеља
Објавено во: Македонија 28 Октомври, 2020
По оставката на
Орхан Рамадани, кој досега ја вршеше должноста директор во Фондот за
здравствено осигурување, на негово место Владата го именуваше Фатон Ахмети, кој
е кадар на ДУИ. Но, Ахмети на оваа позиција ќе остане се до именување на
директор по распишан конкурс, и тоа не подолго од шест месеци.
-Овие денови ќе биде распишан конкурсот за директорското место во Фондот за здравствено осигурување. Но, позицијата ќе ја добие човек од редовите на СДСМ, односно веќе е извесно дека тоа ќе биде Мухамед Зекири. Заради тоа, тој вчера си поденсе оставка од пратеничкото место, со цел да може да ги подготви документите кои се потребни за конкурсот. Таа работа во ФЗОМ е завршена, велат извори на Фактор.
Инаку, во јавноста веќе подолго време се шпекулира за тоа кој ќе седне во директорскита фотеља во ФЗОМ. Изворите на Фактор велат дека за оваа позиција имало вистинска борба, во владејачката коалиција, а во игра досега беа и актуелниот в.д. директор на Фондот за здравство, Миле Сугарев, како и актуелниот директор на Институтот за белодробни заболувања кај децата-Козле, д-р. Ангелчо Андоновски.
Инаку, во јавноста има поделени мислења, дали Мухамед Зекири е вистинскиот човек кој треба да го раководи Фондот за здравствено осигурување, зошто според познавачите, првиот човек на оваа институција пред сè треба да има менаџерски способности, а уште поважно, како што велат изворите за Фактор, е да го разбира здравствениот систем. За дел од нив, Зекири ги нема тие квалитети.
А.Б.