20 Април, 2018
0.0695

Мукаетов на 4-тиот Самит за Западен Балкан во Трст

„Ние треба да покажеме дека имаме капацитет да одиме напред. Самитот во Скопје ќе опфаќа конкретни решенија за поврзувањето“

Објавено во: Мои пари 13 Јули, 2017

Во рамки на 4-тиот Самит за Западен Балкан кој се одржа во пристанишниот италијански град Трст, веднаш по официјалното отворање на Постојаниот Секретаријат на Коморскиот инвестициски форум ВБ6, се одржа панел-дискусија на тема „Регионална економска област на Западен Балкан – патоказ кон членството во ЕУ“, на која заедно со претставниците на компании од Словенија, Хрватска, БиХ, Црна Гора, Косово, Албанија и Србија, учествуваше и г. Живко Мукаетов, генерален директор и Претседател на УО на „Алкалоид АД“ Скопје.

Панелот опфаќаше бројни теми кои се од суштинска важност за регионална интеграција, како: градење синергии помеѓу компаниите во регионот; надминување на пречките за поинтензивна регионална интеграција; слободно движење на работната сила; ЗападниотБалкан како дестинација за инвестиции и слично.

Во рамките на панел-дискусијата, г. Мукаетов ја нагласи важноста на поврзувањето на регионот од повеќе аспекти.




„Пораката која Европската Унија ја испраќа на овој еминентен собир, е дека тие сметаат на нас, но од друга страна, ние треба да покажеме дека имаме капацитет да создаваме синергии и да одиме напред“, истакна Мукаетов.






Во поглед на мобилноста на работната сила, како алатка за развој на бизнисите, Мукаетов истакна дека е потребно да се унифицира и поедностави системот по примерот на Скандинавските земји,со што би се дестимулирало одлевањето на квалитетни кадри од регионот. Тој ја нагласи и важноста на димензионирањето на едукативниот систем во согласност со потребите на бизнисите, со штоби се намалила дискрепанцата во понудата и побарувачката на некои струки, односно би се продуцирале повеќе инженерски кадри кои во моментов се дефицитарни, а би се намалил бројот на кадрите по општествени науки, кои пак се суфицитарни. За овие и слични теми, Мукаетов ги покани присутните на претстојниот „Самит 100 на бизнис лидери од Југоисточна Европа“ кој на 16-ти и 17-ти октомври ќе се одржува во Скопје.


„Како платформа за соработка која успешно функционира веќе седма година, Самит100 во Скопје ќе вклучува конкретни теми и проекти кои се од стратешка важност за унапредување на бизнисите во регионот. Во Скопје, клучниот збор ќе биде ‘Поврзување’ а наш гостин ќе биде Европскиот комесар за транспорт, г-ѓа Виолета Булц. Ќе дискутираме за транспорт, инфраструктура, проектот ‘зелена Балканика’, слободно карго, брендирање на регионот, мобилност на работната сила, дигитализација и енергетика. За овие суштински предизвици, ќе предложиме решенија кои регионот би го направиле поконкурентен“, изјави Мукаетов.


Можеби ќе ве интересира

Одложете го варосувањето и заштедете пари со овој лесен и едноставен трик за чистење ѕидови!

Одложете го варосувањето и заштедете пари со овој лесен и едноставен трик за чистење ѕидови!

Идеални за живот: Топ 10 градови во кои стрес на постои!

Идеални за живот: Топ 10 градови во кои стрес на постои!

Идеален за мини викенд патување: Ова е најевтинитот европски град!

Идеален за мини викенд патување: Ова е најевтинитот европски град!

Adidas Running ги претстави новите AlphaBOUNCE Beyond патики за трчање

Adidas Running ги претстави новите AlphaBOUNCE Beyond патики за трчање

ЊУЈОРШКАТА КОНВЕНЦИЈА И ИНВЕСТИЦИСКАТА АРБИТРАЖА ВО ФОКУСОТ НА ПАНЕЛИСТИТЕ НА МЕЃУНАРОДНАТА КОНФЕРЕНЦИЈА -АРБИТРАЖАТА ДЕНЕС: ИНИЦИЈАТИВИ И ПЕРСПЕКТИВИ

ЊУЈОРШКАТА КОНВЕНЦИЈА И ИНВЕСТИЦИСКАТА АРБИТРАЖА ВО ФОКУСОТ НА ПАНЕЛИСТИТЕ НА МЕЃУНАРОДНАТА КОНФЕРЕНЦИЈА -АРБИТРАЖАТА ДЕНЕС: ИНИЦИЈАТИВИ И ПЕРСПЕКТИВИ

Orbit наградна игра, МОМЕНТ ДА БЛЕСНЕШ

Orbit наградна игра, МОМЕНТ ДА БЛЕСНЕШ

Поголема инклузивност на домашните компании во локалните и регионалните синџири на снабдување со цел да се максимизираат ефектите од странските директни инвестиции во земјата

Поголема инклузивност на домашните компании во локалните и регионалните синџири на снабдување со цел да се максимизираат ефектите од странските директни инвестиции во земјата

СВЕЧЕНА ПРОМОЦИЈА НА НОВИТЕ СУВ МОДЕЛИ НА OPEL ВО СКОПЈЕ

СВЕЧЕНА ПРОМОЦИЈА НА НОВИТЕ СУВ МОДЕЛИ НА OPEL ВО СКОПЈЕ

Се поедноставуваат условите за кожарската и текстилната индустрија, полесно ќе можат да аплицираат за планот за економски раст

Се поедноставуваат условите за кожарската и текстилната индустрија, полесно ќе можат да аплицираат за планот за економски раст