НА ЦВЕЌЕ ПОТРОШИЛЕ 600 ИЛЈАДИ ЕВРА - додека Франција се бори со пандемијата, Макрон и Брижит не штеделе
Објавено во: Свет 12 Јануари, 2021
На удар на критики се најдоа францускиот претседател Емануел Макрон и неговата сопруга Брижит, откако во јавноста се појави информација за тоа дека во текот на пандемијата, на цвеќе потрошиле речиси 600.000 евра, јавува „Дејли мејл“.
Политичката публикација „Политис“ открила дека претседателскиот пар во текот на минатата година потрошиле повеќе од половина милион евра на цвеќе за Елисејската палата, својата службена резиденција во Париз.
Тоа значи дека нивниот буџет за цвеќе е речиси пет пати поголем од нивните претходници Франсоа Оланд и Николас Саркози. Оланд кој беше на чело на државата во периодот од 2012 до 2017 година, на цвеќе потрошил околу 130.000 евра, додека Саркози околу 143.000 евра.
Забележано е дека сметката пораснала токму во периодот кога Елисејската палата беше затворена за јавноста, а поради пандемијата на коронавирусот имало мошне мал број на приеми.