На граѓаните секако не им се омилени: И извршителите нема да примаат странки секој ден
Објавено во: Економија 11 Март, 2020
Само во еден ден неделно извршителите ќе примаат странки и ќе работат со граѓаните. ова е една од одлуките на Комората на извршители. Утврдиле превентивни мерки, согласно заклучоците на Владата за превенција од ширење на коронавирусот (Ковид- 19).
„Набавка на средства за дезинфекција во секоја канцеларија и редовно вршење на дезинфекција на канцелариите на извршителите и Комората на извршители на РСМ, ограничување на времето за прием на странки во канцелариите на извршителите и Комората на извршители на РСМ и утврдување на еден ден во текот на неделата за прием на странки во посебна просторија во канцеларија на извршителот и Комората на извршители на РСМ, како и задолжително носење на заштитни маски од страна на странки кои ќе пристапат во канцеларија на извршителот и Комората на извршители на РСМ и објава на соопштение од секоја канцеларија на извршителот за редуцирање на деновите за прием на странки, се дел од превентивни мерки на Комората на извршители, стои во соопштението
Оттаму посочуваат дека сите писма до канцелариите на извршителите и Комората на извршители на РСМ ќе треба да се доставуваат по поштенски пат.