НА ИНТЕНЗИВНА НЕГА Е, ВО ТЕШКА СОСТОЈБА - рускиот полковник кој ја носеше актовката со нуклеарните кодови на Путин беше пронајден застрелан - КОЈА Е ПРИЧИНАТА

Добивај вести на Viber

Рускиот полковник кој бил задолжен за носење на актовката со нуклеарни кодови на Владимир Путин е пронајден застрелан во неговиот дом во близина на Москва.

Вадим Зимин (53) е во тешка состојба и е на интензивна нега, велат извештаите, а јавува британскиот медиум METRO.

Актовката за нуклеарна контрола секогаш го придружува рускиот претседател.

Пензионираниот полковник на Федералната служба за безбедност (ФСБ) Зимин се грижеше за неа откако ја презеде улогата на помошник на поранешниот претседател Борис Елцин.

Тој продолжи во службата за безбедност искачувајќи се на улогата на полковник кај неговиот наследник Владимир Путин, но неговата прецизна улога, на овој поранешен шпион на КГБ е нејасна.

Зимин бил пронајден со прострелни рани во кујната на неговиот стан во Красногорск, Московскиот регион.

Во тоа време, неговиот партнер - лекар - беше далеку и ги лекуваше ранетите од војната на Путин во Украина.

До пукањето дошло додека Зимин се соочувал со кривична истрага за наводно земање поткуп откако се приклучил на царинската служба на висока функција, објави Московски Комсомолец.

Тој беше во домашен притвор поради кривичното дело и негираше дека сторил нешто лошо. Руските медиуми објавија дека службеникот „се обидел да се самоубие“.

Зимин бил откриен од неговиот брат, кој наводно бил во бањата за време на пукањето во понеделникот. Лежел во локва крв со рана на главата, а во близина лежел пневматски пиштол „Иж 79-9ТМ“.

Путин претходно беше сликан со Зимин како ги носи нуклеарните шифри покрај него, за кои се сметаше дека е симболична закана за западот. Тој го направи тоа во април кога присуствуваше на погребот на ултранационалистичкиот политичар Владимир Жириновски во Москва.

Актовката го содржи апаратот за лансирање на стратешките ракети на Кремљ.

Фото: Принтскрин Јутјуб