НА КЛИНИКАТА ЗА НЕВРОЛОГИЈА ХОСПИТАЛИЗИРАНИ ПРВИТЕ 19 ПАЦИЕНТИ: Во болниците низ земјава има 973 хоспитализации
Објавено во: Македонија 08 Ноември, 2020
Од денеска на
Клиниката за неврологија се примени првите пациенти болни од ковид. Вкупно се
19. Статистиката покажува дека во сите болнички установи низ цела Македонија
има вкупно 973 пациенти, многу повеќе приеми, отколку оздравени пациенти.
На Инфективната клиника примени се 5 пациенти. Вкупно се хоспитализирани 161 пациент. На кислородна поддршка се 134 пациенти, еден пациент е на механичка вентилација.
Во болницата во Козле хоспитализирани се 8 позитивни и 3 деца суспектни на Ковид-19 и 26 возрасни пациенти, позитивни и суспектни на вирусот.
Во ГОБ „8 Септември“ има 8 приеми, а вкупно хоспитализирани се 79 пациенти. На респиратор се 3 пациенти. Во Институтот за ТБЦ се хоспитализирани 56 пациенти, на клиниката за неврологија 19 пациенти.
Во болницата во Битола се хоспитализирани 71, а во болницата во Штип се 57 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија, Кичево, Кавадарци се хоспитализирани 493 позитивни и сомнителни на Ковид-19.