На Косово исчезна и роднина на убиениот Оливер Ивановиќ
Објавено во: Балкан 07 Март, 2019
Исчезна роднина на убиениот лидер на косовските Срби, Оливер Ивановиќ.
Таксист од Северна Митровица, кој пред три дена исчезна и за кого постојат сомнежи дека е убиен, е роднина на Ивановиќ, кој беше советник во собранието на општина Северна Митровица и водач на иницијативата „Слобода, демократија, правда“, убиен пред повеќе од една година.
Од партијата потврдуваат дека таксистот му е роднина на убиениот Ивановиќ, дека тој постојано доаѓал во партиското седиште на средби со Ивановиќ.
Повикувајќи се на свои извори „Косова прес“ пишува дека во такси-возилото пронајдени се траги од крв.
Заменик-директорот на косовската полиција за северот, Бесим Хоти, потврди дека возилото е пронајдено, дека полицијата веднаш излегла на лице место и дека е отворена истрага за случајот.
Хоти потврди дека во возилото се пронајдени траги кои може да укажуваат на сторено кривично дело.
Исчезнувањето на еден новинар од Србија, кој истражувал за убиството на Ивановиќ, Стефан Цветковиќ од Бела Црква, претходно се поврзуваше со неговата смрт.