НАЦИ-СКАНДАЛ БО БУГАРИЈА: Бојко Борисов побара итна оставка
Објавено во: Балкан 15 Октомври, 2019
Бојко Борисов, премиерот на Бугарија, побара оставка од првиот човек на бугарскиот фудбалски сојуз, Борислав Михајлов, по двата прекини поради расистички навреди на фудбалскиот квалификациски натпревар помеѓу Бугарија и Англија синоќа во Софија.
Политиката, според строгите правила на УЕФА, не смее да се меша во фудбалот, но Борисов напомена дека бугарската Влада нема да го помага бугарскиот фудбалски сојуз се додека Михајлов е на чело.
На трибините беа забележани нацистички салутирања и навредливи крици упатени кон црномурестите фудбалери на Англија, која го доби мечот со 6-0. Британскиот премиер Борис Џонсон ја повика УЕФА да спроведе детална истрага.
Борисов напиша дека не е прифатливо Бугарија, која е една од најтолерантните држави во светот и држава во која луѓето од различни етникуми и религии живеат во мир, да се поврзува со расизам и ксенофобија и побара Михајлов веднаш да си даде оставка.