MОСТ соопштија како тече гласањето
Објавено во: Македонија 05 Мај, 2019
Мирно тече гласањето на претседателските избори во земјава.
Навреме се отворени избирачките места во земјава и без проблеми од 7 часот утрово тече гласањето во вториот круг за избор на петтиот македонски претседател.
Не се забележани неправилности во досегашното спроведување на гласањето, потврдиле набљудувачите и регионалните координатори на Граѓанската асоцијација МОСТ кои се распоредени на гласачките места.
На бесплатната телефонска линија 080 080 080 денеска граѓаните може да пријавуваат евентуални нерегуларности или да дадат информации поврзани со изборниот процес.